Мазмұнды Көшіру

https://www.nvrislam.net/index.php?j=kz&post=8961
Сұхбат: сүннет намазды қалдырма, онда аса зор мәңгілік сауап және игілік бар (2026.10.07 / Хижри 1448-жыл 26-Рабих Әл-Ақир)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.

(Akbaba Dergah, Istanbul, Türkiye, 2026) Бисмиллахир рахманир рахим, «حَافِظُوا عَلَى الصَّلَوَاتِ وَالصَّلَاةِ الْوُسْطَىٰ وَقُومُوا لِلَّهِ قَانِتِينَ», яғни, «намазға және орта намазға көңіл бөліңдер, Алла алдында тұрыңдар, ықыласпен бойұсыныңдар», садақаллахулғазим, құран 2інші сүре 238інші аят. Алла Әззә уә-Жәллә, «діннің тірегі намаз» деп жәриялап, бізге намазымызды қорғауға әмір етеді. Міне бұл Алла Әззә уә-Жәлләдан бір әмір, демек, намазы болмаса, адамның өмірі бос болар. Намаз - діннің тірегі, ол болмаса, болмайды. Ал парыз намаздар ең маңызды намаз екендігі тәбиғи, бірақ, сүннет намаздар да оларға қарайлас дәрежеде маңызды келеді. Бірақ қазір кейбір адамдар, «сүннет намаздар қажетсіз, оларды оқысаң да, оқымасаң да болады» деп жүр.

Әрине, бұнда парыз намаз өтелмесе, оған жаза бар, ал сүннет намаз қалдырылса, жаза жоқ, бірақ оның нәтижесінде, сіз пайғамбарымыз ﷺ ұнатпайтын біреуге айналасыз, оның жолына ілесе алмаған боласыз. Ол жаза емес, бірақ сізге, «сен дұрыс істемедің, мүлдем жақсы іс қылмадың, мүлдем дұрыс болмады, сен осыбір сүннет намаздарды тастап қойдың» делінетін болады. Қысқасын айтқанда, ол жақсы көрілмейді, сол үшін де осы барша сүннет намаздар маңызды. Бірақ өкінішке орай, қазір кейбір билік ұстаған тұлғалар, «екі ракат жұма намазын оқып, кетіп қалсаң бола береді, ал қалған сүннет намаздарды өтеу қажетсіз» деп жүр.

Мәлім жердегі кейбір топтар сүннет намаздарды мүлдем орындамайды, ал олардың сонау бастанақ пайғамбарымыз ﷺға құрметі немесе қатысы да жоқ, олар тек парыз намазды өтей сала, кетіп қалады. Бірақ, біздің кейбір адамдар да қазір осы әдетті біртіндеп қабылдамақшы болып жатқан сияқты. Яғни, олар, «бұнда сүннет керек емес, сүннет намаздарды өтеу қажетсіз, парыз намаздарды өтесеңдер болды, сен міндеттен құтыласың» деп жүр екен. Иә, міндеттен құтыларсыз, бірақ бұндайда сіз өзіңізді аса зор сауаптармен нығыметтерден құр қалдыратын боласыз. Тіпті сіз өзіңізді пайғамбарымыз ﷺның шапағатынан да құр қалған күйде табуыңыз мүмкін.

Демек, сүннет аса зор сауппен игілікке ие болып, егер адамдар оны шын түсіне білсе, олар титтей сүннетті де қалдырмас еді. Мәселен, ең кемінде олар сүннет істеуге ниет етсе де, олар одан пайда алатын болады, демек, оларды істей алмағандардың өзі ниетіне байланысты да пайда ала береді. Алайда, біреу сүннеттерді тастаса, оны қажетсіз немесе басы артық нәрсе санаса, олар өздерін аса үлкен қазынадан құр қалдырған болады. Бұл қазыналар - ақиреттің қазыналары, олар - мәңгілік қалатын нәрселер, демек, сіздің өтеген намаздарыңызбен істеген амалдарыңыз ақиретте сізге жолдас болады, ал қалған ештеңе сізбен бірге бармайды.

Сондықтан, адам оларды қалдырмауға барынша құлшынуы керек, әрине, біреу кейде намазын қалдырып қоюы мүмкін, және ол қалдырған осы парыз намаздарын қаза намаз ретінде толықтауы керек, ал сүннет намаздарды толықтау жоқ. Міне осыны да білу керек, мәселен, сіз бесін намазының парызын қалдырсаңыз, оны кеште қаза намаз ретінде толықтасаңыз болады, бірақ оның алдындағы немесе артындағы сүннет намаздарды қазамен өтей алмайсыз. Сондықтан, осыған көңіл бөлу керек, бұл намаздар қаза қалмасын, себебі оларды кейін толықтауға келмейді. Алла ﷻ адамдарға ақыл және түсінік бергей, сонда олар осыбір асыл амалдарды қадірлейтін, және олардың шын нарқын танитын болады. Алла ﷻ барлығымызға жәрдем еткей, иншалла.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық
nvrislam.net
instagram.com/nvrislami



سۇحبات: سۇننەت نامازدى قالدىرما، وندا اسا زور ماڭگىلىك ساۋاپ جانە يگىلىك بار (2026.10.07 / حيجري 1448-جىل 26-رابيح ءال-اقير)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.

(Akbaba Dergah، Istanbul، Türkiye، 2026) بيسميللاحير راحمانير راحيم، «حَافِظُوا عَلَى الصَّلَوَاتِ وَالصَّلَاةِ الْوُسْطَىٰ وَقُومُوا لِلَّهِ قَانِتِينَ»، ياعني، «نامازعا جانە ورتا نامازعا كوڭىل بولىڭدەر، اللا الدىندا تۇرىڭدار، ىقىلاسپەن بويۇسىنىڭدار»، ساداقاللاحۋلعازيم، قۇران 2ءىنشى سۇرە 238ءىنشى ايات. اللا ءاززا ءۋا-ءجاللا، «ءدىننىڭ تىرەگى ناماز» دەپ ءجاريالاپ، بىزگە نامازىمىزدى قورعاۋعا ءامىر ەتەدى. مىنە بۇل اللا ءاززا ءۋا-ءجاللادان ءبىر ءامىر، دەمەك، نامازى بولماسا، ادامنىڭ ءومىرى بوس بولار. ناماز - ءدىننىڭ تىرەگى، ول بولماسا، بولمايدى. ال پارىز نامازدار ەڭ ماڭىزدى ناماز ەكەندىگى ءتابيعي، ءبىراق، سۇننەت نامازدار دا ولارعا قارايلاس دارەجەدە ماڭىزدى كەلەدى. ءبىراق ءقازىر كەيبىر ادامدار، «سۇننەت نامازدار قاجەتسىز، ولاردى وقىساڭ دا، وقىماساڭ دا بولادى» دەپ ءجۇر.

ارينە، بۇندا پارىز ناماز وتەلمەسە، وعان جازا بار، ال سۇننەت ناماز قالدىرىلسا، جازا جوق، ءبىراق ونىڭ ناتيجەسىندە، ءسىز پايعامبارىمىز ﷺ ۇناتپايتىن بىرەۋگە اينالاسىز، ونىڭ جولىنا ىلەسە الماعان بولاسىز. ول جازا ەمەس، ءبىراق سىزگە، «سەن دۇرىس ىستەمەدىڭ، مۇلدەم جاقسى ءىس قىلمادىڭ، مۇلدەم دۇرىس بولمادى، سەن ءوسىبىر سۇننەت نامازداردى تاستاپ قويدىڭ» دەلىنەتىن بولادى. قىسقاسىن ايتقاندا، ول جاقسى كورىلمەيدى، سول ءۇشىن دە وسى بارشا سۇننەت نامازدار ماڭىزدى. ءبىراق وكىنىشكە وراي، ءقازىر كەيبىر بيلىك ۇستاعان تۇلعالار، «ەكى راكات جۇما نامازىن وقىپ، كەتىپ قالساڭ بولا بەرەدى، ال قالعان سۇننەت نامازداردى وتەۋ قاجەتسىز» دەپ ءجۇر.

ءمالىم جەردەگى كەيبىر توپتار سۇننەت نامازداردى مۇلدەم ورىندامايدى، ال ولاردىڭ سوناۋ باستاناق پايعامبارىمىز ﷺعا قۇرمەتى نەمەسە قاتىسى دا جوق، ولار تەك پارىز نامازدى وتەي سالا، كەتىپ قالادى. ءبىراق، ءبىزدىڭ كەيبىر ادامدار دا ءقازىر وسى ادەتتى بىرتىندەپ قابىلداماقشى بولىپ جاتقان سياقتى. ياعني، ولار، «بۇندا سۇننەت كەرەك ەمەس، سۇننەت نامازداردى وتەۋ قاجەتسىز، پارىز نامازداردى وتەسەڭدەر بولدى، سەن مىندەتتەن قۇتىلاسىڭ» دەپ ءجۇر ەكەن. ءيا، مىندەتتەن قۇتىلارسىز، ءبىراق بۇندايدا ءسىز ءوزىڭىزدى اسا زور ساۋاپتارمەن نىعىمەتتەردەن قۇر قالدىراتىن بولاسىز. ءتىپتى ءسىز ءوزىڭىزدى پايعامبارىمىز ﷺنىڭ شاپاعاتىنان دا قۇر قالعان كۇيدە تابۋىڭىز مۇمكىن.

دەمەك، سۇننەت اسا زور ساۋپپەن يگىلىككە يە بولىپ، ەگەر ادامدار ونى شىن تۇسىنە بىلسە، ولار تيتتەي سۇننەتتى دە قالدىرماس ەدى. ماسەلەن، ەڭ كەمىندە ولار سۇننەت ىستەۋگە نيەت ەتسە دە، ولار ودان پايدا الاتىن بولادى، دەمەك، ولاردى ىستەي الماعانداردىڭ ءوزى نيەتىنە بايلانىستى دا پايدا الا بەرەدى. الايدا، بىرەۋ سۇننەتتەردى تاستاسا، ونى قاجەتسىز نەمەسە باسى ارتىق نارسە ساناسا، ولار وزدەرىن اسا ۇلكەن قازىنادان قۇر قالدىرعان بولادى. بۇل قازىنالار - اقيرەتتىڭ قازىنالارى، ولار - ماڭگىلىك قالاتىن نارسەلەر، دەمەك، ءسىزدىڭ وتەگەن نامازدارىڭىزبەن ىستەگەن امالدارىڭىز اقيرەتتە سىزگە جولداس بولادى، ال قالعان ەشتەڭە سىزبەن بىرگە بارمايدى.

سوندىقتان، ادام ولاردى قالدىرماۋعا بارىنشا قۇلشىنۋى كەرەك، ارينە، بىرەۋ كەيدە نامازىن قالدىرىپ قويۋى مۇمكىن، جانە ول قالدىرعان وسى پارىز نامازدارىن قازا ناماز رەتىندە تولىقتاۋى كەرەك، ال سۇننەت نامازداردى تولىقتاۋ جوق. مىنە وسىنى دا ءبىلۋ كەرەك، ماسەلەن، ءسىز بەسىن نامازىنىڭ پارىزىن قالدىرساڭىز، ونى كەشتە قازا ناماز رەتىندە تولىقتاساڭىز بولادى، ءبىراق ونىڭ الدىنداعى نەمەسە ارتىنداعى سۇننەت نامازداردى قازامەن وتەي المايسىز. سوندىقتان، وسىعان كوڭىل ءبولۋ كەرەك، بۇل نامازدار قازا قالماسىن، سەبەبى ولاردى كەيىن تولىقتاۋعا كەلمەيدى. اللا ﷻ ادامدارعا اقىل جانە تۇسىنىك بەرگەي، سوندا ولار ءوسىبىر اسىل امالداردى قادىرلەيتىن، جانە ولاردىڭ شىن نارقىن تانيتىن بولادى. اللا ﷻ بارلىعىمىزعا جاردەم ەتكەي، ينشاللا.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8961