Мазмұнды Көшіру

https://www.nvrislam.net/index.php?j=kz&post=8958
Сұхбат: өсек таратпа, махаббат тарат, өсекке сенбе, ел арасын өсек бұзады (2026.10.04 / Хижри 1448-жыл 23-Рабих Әл-Ақир)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.

(Akbaba Dergah, Istanbul, Türkiye, 2026) Бисмиллахир рахманир рахим, «يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ», яғни, «о иман келтіргендер, егер пасық біреу сендерге хабар алып келсе, оны жақсы анықтаңдар, сонда біреуді надандықпен зияндап, кейін істегендеріңе өкініп қалмайтын боласыңдар», садақаллахулғазим, құран 49інші сүре 6інші аят. Алла Әззә уә-Жәллә құран әзиму-шәнда, «барлығына сене берме» дейді, әсіресе пасық адамға сенбеу керек. Пасық адам дегеніміз өтірік айтатын, дінге суық қарайтын, (еркіндігі бола тұра) намаз өтемейтін, және сенуге келмейтін адам, ал Алла ﷻ, «осындай адамдардың сөздеріне сенбеңдер» дейді. Демек, Алла Әззә уә-Жәллә, «егер біреу саған хабар алып келсе, ал сен оған амал етсең, өзгелерге залал әкелесің, және кейін ол хабардың жалған екенін білген соң, істеген ісіңе өкінетін боласың» деп, ескерту жасайды.

Сондықтан, сіз мәліметті қайдан және кімнен естігендіңіз жайлы сақ болуыңыз керек, бұнда ұсақ-түйек, я қажетсіз нәрселерді тыңдау керексіз. Біз бұны не үшін айтып отырмыз? себебі, қазір жағдай тым сорақы болып кетті. Ал ерте кезде біреу өзгелерге бірдеңе айтса да, оны бірнеше адаммен бөліссе де, одан үлкен мәселе шықпайтын, немесе оны барлық адам біле бермейтін. Қазір теледидарды бір жаққа қоя тұралық, әр адамда бір-бір қолфон бар. Және олар осы нәрселерімен, «мен бұны істедім, мен оны істедім, анау болды, мынау болды, біреу әйтті, біреу бүйтті, немесе, олар бұндай, олар андай» деп, жалған сөздер таратады, жұртты алжастырады, елді араздастырады. Онсыз да осы кездегі, осы замандағы адамдар достыққа я жақсылыққа емес, дұшпандықпен жамандыққа бейім келеді, олар сондай нәрселерді іздегіш келеді.

Сол үшін ондай адамдарды есту қажетсіз, яғни бұнда, «бұл адам бірдеңе деді, я, ол адам бірдеңе істеді» деген сияқты нәрселерді есту қажетсіз. Бұнда жәй ғана өзіңіз білетін дұрыс болған жағдаймен жалғасты жүре беріңіз, ал манағындай нәрселерге сенбеңіз, ешкімнің, әсіресе пасық адамның сөзіне сеніп, іс қылмаңыз. Өкінішке орай, бұл кездің адамдары дерлік пасық адамдар түріне жатады, бақытсыздыққа орай, бұл нәрсе айтылуы керек болды. Анықтама бергеніміздей, пасық адам дегеніміз сөзінде тұрмайтын, өсек тарататын, және өтірік айтатын адам, ал өкінішке орай, осы кездің адамдары дерлік осылай келеді. Сондықтан, адамдардың айтқандары бойынша іс қылма, әйтпесе, өзгелерге залал әкелетін боласың. Егер бірдеңе естісеңіз, оны ешқашан естімегендей болып жүре беру ең жақсысы болмақ, ал естісеңіз де, оны таратпаңыз, я ешкімге айтпаңыз. Ең жақсы амал міне осы.

Демек, осындай жағдайларда, ешқандай хабарға құлақ салмау ең абзал-дүр. Демек, «біреу сен жайлы былай деді, олай деді, ол сен жайлы бірдеңе жазыпты» деген сияқты нәрселерге құлақ салмаңыз. Шүкір-Алла, біз бұны бауырларға сонау ертеден айтқанбыз, ал кейде олардың кейбірі келіп, «бәлен біреу сізге қарсы мынаны айтыпты, ананы айтыпты» дейді. Ал біз, «оны тілге де алма» деп айтамыз, әдетте, осындай өсекті тасып әкелген адам кейін өкініп қалатын болады. Егер олар оны айтудан өздерін тиған болса, кейін ұятқа қалмас еді, ал олар тәубе етсе, Алла ﷻ оларды кешіреді. Бірақ, сіз келіп, біреудің аталмыш сөздерін қайталасаңыз, біздің жүрегіміздің түбінде ол адамға деген ызамен жирену пайда болады. Ал нәтижесінде мұсылмандар арасында махаббатпен жақындықтан көрі жамандық тарайтын болады.

Сол үшін біз бұны сонау ертеде айтып, ескертіп кеткенбіз, шүкір-Алла. Алла ﷻ оларға риза болғай, олар сөзімізге құлақ асып, бізге ондай өсек алып келген жоқ. Алайда, олар осындай нәрселерді өз араларында да айтпауы керек, біреу жайлы жаман сөйлеу, немесе өшпенділік қоздыру жақсы іс емес. Сопылық тәриқат махаббат және достыққа құрылған, ал құранда, «إِنَّمَا الْمُؤْمِنُونَ إِخْوَةٌ», «иннамал мүминуна иқуа», яғни, «мүминдер - өзара бауырлар» делінген, құран 49інші сүре 10інші аят. Демек, мүминдер өзара бауыр болып келеді, ал олардың арасына жиркенішпен ашу-ызаның ұрығын егу дұрыс іс емес. Сондықтан, «оны кім айтты, оны кім істеді» деп, көп қазбалау қажетсіз, ал кім қателік жасап қойса, Алла ﷻ оны өзі кешіретін болады. Алла ﷻ ең кешірімді, Ол дұрыс жолға бұрылғандарды, және тәубе етіп, кешірім сұрағандарды кешіреді. Алла ﷻ барлығыңызға риза болғай, және барлығымызды қорғағай, иншалла.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық
nvrislam.net
instagram.com/nvrislami



سۇحبات: وسەك تاراتپا، ماحاببات تارات، وسەككە سەنبە، ەل اراسىن وسەك بۇزادى (2026.10.04 / حيجري 1448-جىل 23-رابيح ءال-اقير)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.

(Akbaba Dergah، Istanbul، Türkiye، 2026) بيسميللاحير راحمانير راحيم، «يَا أَيُّهَا الَّذِينَ آمَنُوا إِن جَاَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ»، ياعني، «و يمان كەلتىرگەندەر، ەگەر پاسىق بىرەۋ سەندەرگە حابار الىپ كەلسە، ونى جاقسى انىقتاڭدار، سوندا بىرەۋدى ناداندىقپەن زيانداپ، كەيىن ىستەگەندەرىڭە وكىنىپ قالمايتىن بولاسىڭدار»، ساداقاللاحۋلعازيم، قۇران 49ءىنشى سۇرە 6ءىنشى ايات. اللا ءاززا ءۋا-ءجاللا قۇران ءازيمۋ-ءشاندا، «بارلىعىنا سەنە بەرمە» دەيدى، اسىرەسە پاسىق ادامعا سەنبەۋ كەرەك. پاسىق ادام دەگەنىمىز وتىرىك ايتاتىن، دىنگە سۋىق قارايتىن، (ەركىندىگى بولا تۇرا) ناماز وتەمەيتىن، جانە سەنۋگە كەلمەيتىن ادام، ال اللا ﷻ، «وسىنداي ادامداردىڭ سوزدەرىنە سەنبەڭدەر» دەيدى. دەمەك، اللا ءاززا ءۋا-ءجاللا، «ەگەر بىرەۋ ساعان حابار الىپ كەلسە، ال سەن وعان امال ەتسەڭ، وزگەلەرگە زالال اكەلەسىڭ، جانە كەيىن ول حاباردىڭ جالعان ەكەنىن بىلگەن سوڭ، ىستەگەن ىسىڭە وكىنەتىن بولاسىڭ» دەپ، ەسكەرتۋ جاسايدى.

سوندىقتان، ءسىز مالىمەتتى قايدان جانە كىمنەن ەستىگەندىڭىز جايلى ساق بولۋىڭىز كەرەك، بۇندا ۇساق-تۇيەك، يا قاجەتسىز نارسەلەردى تىڭداۋ كەرەكسىز. ءبىز بۇنى نە ءۇشىن ايتىپ وتىرمىز؟ سەبەبى، ءقازىر جاعداي تىم سوراقى بولىپ كەتتى. ال ەرتە كەزدە بىرەۋ وزگەلەرگە بىردەڭە ايتسا دا، ونى بىرنەشە اداممەن بولىسسە دە، ودان ۇلكەن ماسەلە شىقپايتىن، نەمەسە ونى بارلىق ادام بىلە بەرمەيتىن. ءقازىر تەلەديداردى ءبىر جاققا قويا تۇرالىق، ءار ادامدا ءبىر-ءبىر قولفون بار. جانە ولار وسى نارسەلەرىمەن، «مەن بۇنى ىستەدىم، مەن ونى ىستەدىم، اناۋ بولدى، مىناۋ بولدى، بىرەۋ ءايتتى، بىرەۋ ءبۇيتتى، نەمەسە، ولار بۇنداي، ولار انداي» دەپ، جالعان سوزدەر تاراتادى، جۇرتتى الجاستىرادى، ەلدى ارازداستىرادى. ونسىز دا وسى كەزدەگى، وسى زامانداعى ادامدار دوستىققا يا جاقسىلىققا ەمەس، دۇشپاندىقپەن جاماندىققا بەيىم كەلەدى، ولار سونداي نارسەلەردى ىزدەگىش كەلەدى.

سول ءۇشىن ونداي ادامداردى ەستۋ قاجەتسىز، ياعني بۇندا، «بۇل ادام بىردەڭە دەدى، يا، ول ادام بىردەڭە ىستەدى» دەگەن سياقتى نارسەلەردى ەستۋ قاجەتسىز. بۇندا ءجاي عانا ءوزىڭىز بىلەتىن دۇرىس بولعان جاعدايمەن جالعاستى جۇرە بەرىڭىز، ال ماناعىنداي نارسەلەرگە سەنبەڭىز، ەشكىمنىڭ، اسىرەسە پاسىق ادامنىڭ سوزىنە سەنىپ، ءىس قىلماڭىز. وكىنىشكە وراي، بۇل كەزدىڭ ادامدارى دەرلىك پاسىق ادامدار تۇرىنە جاتادى، باقىتسىزدىققا وراي، بۇل نارسە ايتىلۋى كەرەك بولدى. انىقتاما بەرگەنىمىزدەي، پاسىق ادام دەگەنىمىز سوزىندە تۇرمايتىن، وسەك تاراتاتىن، جانە وتىرىك ايتاتىن ادام، ال وكىنىشكە وراي، وسى كەزدىڭ ادامدارى دەرلىك وسىلاي كەلەدى. سوندىقتان، ادامداردىڭ ايتقاندارى بويىنشا ءىس قىلما، ايتپەسە، وزگەلەرگە زالال اكەلەتىن بولاسىڭ. ەگەر بىردەڭە ەستىسەڭىز، ونى ەشقاشان ەستىمەگەندەي بولىپ جۇرە بەرۋ ەڭ جاقسىسى بولماق، ال ەستىسەڭىز دە، ونى تاراتپاڭىز، يا ەشكىمگە ايتپاڭىز. ەڭ جاقسى امال مىنە وسى.

دەمەك، وسىنداي جاعدايلاردا، ەشقانداي حابارعا قۇلاق سالماۋ ەڭ ابزال-ءدۇر. دەمەك، «بىرەۋ سەن جايلى بىلاي دەدى، ولاي دەدى، ول سەن جايلى بىردەڭە جازىپتى» دەگەن سياقتى نارسەلەرگە قۇلاق سالماڭىز. شۇكىر-اللا، ءبىز بۇنى باۋىرلارعا سوناۋ ەرتەدەن ايتقانبىز، ال كەيدە ولاردىڭ كەيبىرى كەلىپ، «بالەن بىرەۋ سىزگە قارسى مىنانى ايتىپتى، انانى ايتىپتى» دەيدى. ال ءبىز، «ونى تىلگە دە الما» دەپ ايتامىز، ادەتتە، وسىنداي وسەكتى تاسىپ اكەلگەن ادام كەيىن وكىنىپ قالاتىن بولادى. ەگەر ولار ونى ايتۋدان وزدەرىن تيعان بولسا، كەيىن ۇياتقا قالماس ەدى، ال ولار تاۋبە ەتسە، اللا ﷻ ولاردى كەشىرەدى. ءبىراق، ءسىز كەلىپ، بىرەۋدىڭ اتالمىش سوزدەرىن قايتالاساڭىز، ءبىزدىڭ جۇرەگىمىزدىڭ تۇبىندە ول ادامعا دەگەن ىزامەن جيرەنۋ پايدا بولادى. ال ناتيجەسىندە مۇسىلماندار اراسىندا ماحابباتپەن جاقىندىقتان كورى جاماندىق تارايتىن بولادى.

سول ءۇشىن ءبىز بۇنى سوناۋ ەرتەدە ايتىپ، ەسكەرتىپ كەتكەنبىز، شۇكىر-اللا. اللا ﷻ ولارعا ريزا بولعاي، ولار سوزىمىزگە قۇلاق اسىپ، بىزگە ونداي وسەك الىپ كەلگەن جوق. الايدا، ولار وسىنداي نارسەلەردى ءوز ارالارىندا دا ايتپاۋى كەرەك، بىرەۋ جايلى جامان سويلەۋ، نەمەسە وشپەندىلىك قوزدىرۋ جاقسى ءىس ەمەس. سوپىلىق ءتاريقات ماحاببات جانە دوستىققا قۇرىلعان، ال قۇراندا، «إِنَّمَا الْمُؤْمِنُونَ إِخْوَةٌ»، «يننامال ءمۇمينۋنا يقۋا»، ياعني، «مۇميندەر - ءوزارا باۋىرلار» دەلىنگەن، قۇران 49ءىنشى سۇرە 10ءىنشى ايات. دەمەك، مۇميندەر ءوزارا باۋىر بولىپ كەلەدى، ال ولاردىڭ اراسىنا جيركەنىشپەن اشۋ-ىزانىڭ ۇرىعىن ەگۋ دۇرىس ءىس ەمەس. سوندىقتان، «ونى كىم ايتتى، ونى كىم ىستەدى» دەپ، كوپ قازبالاۋ قاجەتسىز، ال كىم قاتەلىك جاساپ قويسا، اللا ﷻ ونى ءوزى كەشىرەتىن بولادى. اللا ﷻ ەڭ كەشىرىمدى، ول دۇرىس جولعا بۇرىلعانداردى، جانە تاۋبە ەتىپ، كەشىرىم سۇراعانداردى كەشىرەدى. اللا ﷻ بارلىعىڭىزعا ريزا بولعاي، جانە بارلىعىمىزدى قورعاعاي، ينشاللا.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8958